24.09.2025
Текелі қалалық кітапханасы
Республикалық «Кітап time» фестивалі аясында Текелі қалалық кітапханасында «Кітап – мәңгілік мұра» атты әдеби карта ұйымдастырылды. Шара барысында қазақ және шетел жазушыларының шығармалары, классикалық және заманауи әдебиет туындылары, халықтың рухани әрі мәдени құндылықтарын айқындайтын басылымдар оқырман қауымға ұсынылды. Іс-шараның мақсаты – кітап білімнің, тарих пен ұрпақтар даналығының мәңгілік қазынасы екенін көрсету. Экспозиция оқырмандардың әдеби мұра байлығына назарын аударып, кітап оқуға қызығушылығын арттыруға, сондай-ақ кітапқа деген құрмет пен сүйіспеншілікті қалыптастыруға бағытталды. Оқырмандар назарына 60-тан астам кітап ұсынылып, оның 37-сі оқуға берілді.