Жетісу облысының С.Сейфуллин атындағы орталық кітапханасы

Жаңалықтар

31 мамыр – Саяси қуғын-сүргін және ашаршылық құрбандарын еске алу күніне орай «Тар жол тайғақ кешкен» атты ашық аспан астында кітап көрмесі өтті.

30 мамыр күні С.Сейфуллин атындағы орталық кітапханасының ұйымдастыруымен 31 мамыр – Саяси қуғын-сүргін және ашаршылық құрбандарын еске алу күніне орай «Тар жол тайғақ кешкен» атты ашық аспан астында кітап көрмесі ұйымдастырылды. Көрменің мақсаты – жастардың санасына, келешек ұрпаққа дәуірдің қайшылықты болмысын жеткізу, қиыншылыққа ұшыраған адамдардың рухани төзімділікпен ертеңгі күнге деген сенімділігін ұғындыру. Өздері іргетасын қалаған қоғамның бет-бейнесін ашу. Көрмеге «Алаш қозғалысы», «Жетісулық Алаш зиялылары», «Жетісудағы Алаш мектебі», «Саяси қуғын-сүргін құрбандарын толық ақтау жөніндегі мемлекеттік комиссияның материалдары 20 ғасырдың 20-50 жылдары» кітабы, «Алашорда ісі» көп томдық кітабы және т.б.кітаптар қойылды. Оқырмандар көрмеге қойылған кітаптардағы деректермен танысып, өз ойларын білдірді.

Толығырақ... Оқылды: 15 Санат: Жаңалықтар Уақыты: 30.05.2025

«Өзекті өртер шындық» тарихи сағат өтті.

30 мамыр күні 31 мамыр - Саяси қуғын-сүргін және ашаршылық құрбандарын еске алу күніне орай «Өзекті өртер шындық» атты тарихи сағат өткізілді. Іс-шара Жетісу облысы Сәкен Сейфуллин атындағы зағип және нашар көретін азаматтарға арналған кітапхана бөлімінің кітапханашыларының ұйымдастыруымен Қазақ соқырлар қоғамы қоғамдық бірлестігінің клубында өтті. Шара барысында қатысушыларға кітапханашы Айнаш Райқұлқызы 1930–1950 жылдар аралығындағы жаппай қуғын-сүргіннің себеп-салдары, жазықсыз жазаға ұшыраған қазақ зиялыларының тағдыры туралы тарихи деректер ұсынды. Ашаршылық жылдарындағы халық басынан өткерген ауыр жағдайлар, соның ішінде миллиондаған адамның қаза табуы мен босқыншылыққа ұшырауы туралы нақты мәліметтер келтірілді. Қуғын-сүргін мен ашаршылық тақырыбына арналған әдебиеттер көрмесі ұйымдастырылып, Алаш арыстары мен сол кезеңнің құрбандары туралы шығармалар таныстырылды. Шара соңында қатысушылар бір минут үнсіздік жариялап, жазықсыз жапа шеккен боздақтардың...

Толығырақ... Оқылды: 11 Санат: Жаңалықтар Уақыты: 30.05.2025

2025 жылдың 22 маусымында Жетісу облыстық Б. Римова атындағы драма театрында 21 мамыр — Мәдениет және өнер қызметкерлері күніне орай салтанатты шара ұйымдастырылды.

Іс-шара барысында облыстың мәдениет саласына елеулі үлес қосып жүрген кітапхана қызметкерлері мен мекемелері марапатталды. Қазақстан Республикасының Мәдениет және ақпарат министрлігінің Құрмет грамотасымен Сарқан аудандық кітапханасының библиографы Кулымбетова Лаура Турганбаевна марапатталды. Жетісу облысы әкімінің Құрмет грамотасына Көксу аудандық кітапханасының кітапханашысы Нургалиева Шара Абдынуровна ие болды. Сондай-ақ, Жетісу облысы әкімінің Алғыс хаты Текелі қалалық кітапханасының кітапханашысы Житникова Елена Викторовнаға табысталды. Бұған қоса, кітапхана саласындағы ерекше жетістіктері үшін арнайы номинациялар бойынша марапаттар табысталды: «Үздік кітапхана» номинациясы бойынша Көксу аудандық кітапханасы үздік деп танылса, «Үздік кітапхана қызметкері» номинациясы Сәкен Сейфуллин атындағы Жетісу облыстық орталық кітапханасының ақпараттық-библиографиялық қамтамасыз ету бөлімінің меңгерушісі Ешенова Ғалия Самиғұлқызы марапатталып, қаржылай...

Толығырақ... Оқылды: 21 Санат: Жаңалықтар Уақыты: 22.05.2025

1 маусым - Балаларды қорғау күніне орай «Балалар – әлемнің жарығы» атты іс-шара өтті.

1 маусым - Балаларды қорғау күніне орай Сәкен Сейфуллин атындағы орталық кітапханасының ұйымдастыруымен «Балалар - әлемнің жарығы» атты іс-шара өтті. Аталған іс-шара екі бөлімнен тұрды. Алғашқы бөлігі Жетісу облысының «Бәйтерек» күндіз болу орталығында өтті. Мұнда ерекше қажеттіліктері бар балалар үшін арнайы дайындалған, көңілді де мазмұнды бағдарлама ұсынылды. Шара аясында №12 орта мектеп гимназиясының 3 сынып оқушысы Есетай Димаштың орындауында әуезді ән шырқалып, «Plombir» аниматорлар орталығы балаларға әртүрлі ойындар арқылы жақсы көңіл-күй сыйлады. Шараның басты демеушілері меценат, жеке кәсіпкер Найманбаев Болатбек Жанаділұлы және Республика партиясының қолдауы ерекше аталып, балаларға сапалы сыйлықтар тарту етілді. Бұл мәдени іс-шараның басты мақсаты – ерекше қажеттіліктері бар балалардың көңіл-күйін көтеру, олардың қоғамдағы орнын сезіндіру, шығармашылық қабілеттерін дамытуға мүмкіндік беру және достық пен мейірімділік атмосфер...

Толығырақ... Оқылды: 70 Санат: Жаңалықтар Уақыты: 22.05.2025

21 мамыр - Мәдениет және өнер қызметкерлері күніне орай «Мәдениетім – мақтанышым» атты кітап көрмесі өтті.

21 мамыр - Мәдениет және өнер қызметкерлері күніне орай Сәкен Сейфуллин атындағы орталық кітапханасында «Мәдениетім – мақтанышым» атты кітап көрмесі өтті. Мәдениет - ұлттың бет - бейнесі, рухани байлығы мен тұтастығының тірегі. Қазақ халқының ғасырлар бойы қалыптасқан әдет-ғұрпы, өнері, әдебиеті мен дәстүрі - бүгінгі ұрпақ үшін өшпес мұра, баға жетпес қазына. Көрмеге қойылған әдебиеттер қатары қазақтың ақын - жазушыларының шығармаларымен, ұлттық өнер мен музыка, салт - дәстүр, тарих ғылымдары мен этнографияға байланысты құнды кітаптармен қамтылды. Көрмеге қойылған кітаптар арқылы оқырмандар қазақ мәдениетінің тереңіне бойлап, рухани әлеммен етене жақын таныса алды. Кітап көрмесі №29 орта мектеп лицей оқушыларына таныстырылды. Оқушылар көрме арқылы ұлттық мәдениетімізді тереңірек танып, рухани байлықпен сусындап қайтты.

Толығырақ... Оқылды: 28 Санат: Жаңалықтар Уақыты: 21.05.2025

<< 1 2 3 4 5 6 7 8 … 58 >>