Жетісу облысының С.Сейфуллин атындағы орталық кітапханасы

Жаңалықтар

«Кітап сарқылмас рухани қазына»

Зағип және нашар көретін азаматтарға арналған бөлімде «Нағыз оқитын кез» акциясы аясында « Кітап сарқылмас рухани қазына» атты тәрбие сағаты өтті. Шараның мақсаты: Оқырмандарды кітап оқуға баулу, кітапқа деген сүйіспеншілігін ояту, кітап арқылы мейірімділік пен адамгершілікке тәрбиелеу. Шара барысында кітапханашы А.Абейбекова түркі жұртының ұлы ақыны ойшыл Әлішер Науаидың «Кітап ақылына ақы сұрамайтын ең құнды қазына» деген сөздерінен бастап, адам өміріндегі кітап оқудың 7 пайдасымен бөлісе отырып , кітапханамыздағы арнайы тифлоқұрылғылардың көмегі арқылы , зағип оқырмандарымызды әрдайым кітап оқып, рухани байлығы мен білімділігін арттыруға шақырды.

Толығырақ... Оқылды: 60 Санат: Жаңалықтар Уақыты: 12.03.2024

«Амал келді жыл келді»

2024 жылдың 12 наурыз күні Жетісу облысының С.Сейфуллин атындағы орталық кітапханасында 14 наурыз Көрісу күніне орай «Амал келді жыл келді» атты танымдық сағат өтті. Аталған шара «Наурыз- жыл басы» атты кітап көрмесін таныстырудан бастау алды. Келген қонақтарға амал күніне орай дайындалған бейнеролик көрсетілді. Шараға Б.Жолбарысұлы атындағы №18 орта мектебінің 5 сынып оқушылары мен Тілегенова Сания Муханқызы қатысып, оқушыларға Амал мерекесі туралы ақпарат берді. Сондай ақ, Бақжұлдыз медиа орталығының мүшелері: Таңатар Кәусар «Наурыз думан» әнімен, Ныққали Айша күй орындап, Азаматқызы Еңлік «Дедімай-ау» әнін тарту етті. Шараны қорытындылай келе, ұйымдастырушылар келген қонақтармен естелікке суретке түсті.

Толығырақ... Оқылды: 87 Санат: Жаңалықтар Уақыты: 12.03.2024

«Жетісу кітап керуені» Талдықорған қаласы

12 наурыз - «Жетісу-кітап керуені» жобасы аясында Кербұлақ аудандық кітапханасына Талдықорған қалалық кітапханасынан Жетісу облысы әкімінің қолдауымен және басқа баспалардан жарық көрген кітаптардың 100 данасы сыйға тартылды. Іс-шараға Кербұлақ ауданының ақын жазушылары, ардагер әжелер, зиялы қауым өкілдері қатысып, ақын Амандос Елтайұлы мен Мергүл Асылханованың «Амандос және мен» атты кітабының тұсауы кесіліп, Амандос Елтайұлы өз өлеңдерінен үзінді оқып, жиналған қауымға тарту етті. Шара барысында Кербұлақ аудандық кітапханасы Талдықорған қалалық кітапханасына жергілікті ақын жазушылардың 80 дана кітабын сыйға тартты.

Толығырақ... Оқылды: 54 Санат: Жаңалықтар Уақыты: 12.03.2024

8 наурыз Халықаралық әйелдер күні

8 наурыз Халықаралық әйелдер күніне орай, Зағип және нашар көретін азаматтарға арналған бөлім және «Қазақ зағиптар қоғамы» Қоғамдық бірлестігінің ұйымдастыруымен мерекелік сазды кеш өткізілді. Шара барысында Қазақ зағиптар қоғамының төрағасы Аликен Әділбекұлы және Жетісу облысының мәдениет және құжаттама басқармасының бөлім басшысы Гүлмира Мәлікқызы нәзік жанды әйелдер қауымына жылы лебіздерін білдіріп, зағиптар клубының өнерпаздары мерекелік кешке арналған өз әндері мен өлеңдерін тарту етіп, көрермендерге жақсы көңіл-күй сыйлады.

Толығырақ... Оқылды: 58 Санат: Жаңалықтар Уақыты: 07.03.2024

Жүсіпбек Аймауытовқа 135 жыл

Зағип және нашар көретін азаматтарға арналған бөлімде Қазақтың көрнекті жазушысы, драматург, публицист Жүсіпбек Аймауытовтың 135 жыл толуына орай шығармаларынан үзінді дауыстап оқылды. Мақсаты: Жазушының әдеби мұрасының негізгі ерекшеліктерін ұғындыру, оқырмандарды көркем әдебиетті оқуға, адамгершілік - рухани дүние танымын байыта білуге баулу. Шара барысында кітапханашылар ақынның дарынды ұстаз болғанын, халыққа білім беру мақсатында көптеген бірнеше кітаптары мен оқу құралдарына, кезінде халық тағдыры үшін ерекше рөл атқарған еңбектеріне шолу жасалды. Сонымен қатар жазушының туған ұлы Бектұрдың, қызы Музаның берген сұхбаттарынан «SARA-SЕ» дауыстап оқитын машинкасы арқылы зағип жандарға үзінді тыңдатылды.

Толығырақ... Оқылды: 120 Санат: Жаңалықтар Уақыты: 06.03.2024

<< 1 … 49 50 51 52 53 54 55 56 57 58 59 … 63 >>