Жаңалықтар

«Әке шаңырақтың тірегі» отбасылық спорттық ойын сайыс

14 маусым күні Жетісу облысының Сәкен Сейфуллин атындағы орталық кітапханасында 18 маусым Әкелер күніне орай «Әке шаңырақтың тірегі» атты жанұялар арасында салауатты өмір салтын насихаттау, жанұялық спорттық ойынды дамыту, балалардың денсаулықтарын нығайту, кітапқа деген қызығушылығын арттыру мақсатында отбасылық спорттық ойын сайысы өтті. Ойын сайысқа әке мен балалардан құралған төрт топ қатысып, «1001 мақал-101 жұмбақ» мақал-мәтелдер, жұмбақтар жасырылып, «Кім тапқыр?» атты логикалық сұрақтар қойылып, «Шынықсаң шымыр боласың!» атты спорттық ойын түрлері ұйымдастырылды. Сонымен қатар, әке жайлы «Әке – ең құрметті ұлы есім» тақырыбында бейнесюжет көрсетіліп, «Әке – асқар тауым» атты кітап көрмесі таныстырылды. Шараға тұрақты оқырман және кітапханашы әкелер бақ сынасты. Қорытындысында, «Тұлпар» тобы үздік деп танылып, дипломмен марапатталып, қатысушыларға алғыс хаттар берілді.
Толығырақ... Оқылды: 127 Санат: Жаңалықтар Уақыты: 14.06.2024

«Шуақты жаз» атты маусым айына арналған шара жалғасын табуда.

Балалардың жазғы демалысын қызықты әрі пайдалы етіп өткізу мақсатында Жетісу облысы С.Сейфуллин атындағы орталық кітапханасында «Шуақты жаз» атты маусым айына арналған шара жалғасын табуда. 13 маусым күні аталған шараға Қ. Қасымов атындағы № 28 IT-лицейі және № 4 орта мектептің 5 сынып оқушылары мен жетекшілері қатысты. Оқушыларға кітапханаға экскурсия жасалып, кітап оқуды насихаттау мақсатында кітапханашы Қанабек Әлия «Зейін Time» атты викториналық сұрақтар ойынын ойнатып, мультиландия алаңында кинофильм көрсетілді.
Толығырақ... Оқылды: 173 Санат: Жаңалықтар Уақыты: 13.06.2024

"Таза бейсенбі" акциясы

"Таза бейсенбі" акциясын қолдап кітапхана төңірегіне тазарту жұмыстары жүргізілуде
Толығырақ... Оқылды: 117 Санат: Жаңалықтар Уақыты: 13.06.2024

«Бірегей Бердібектің бер бағасын» атты танымдық сағат өткізілді.

Қазақ зағиптар қоғамы қоғамдық бірлестігінің клубында зағип және нашар көретін азаматтарға арналған бөлім «Бір ел – бір кітап» акциясы аясында «Бірегей Бердібектің бер бағасын» атты танымдық сағат өткізілді. Шараның мақсаты: қазақ прозасына өзгеше сипат әкелген көрнекті қазақ жазушысының шығармаларын насихаттау Шара барысында кітапханашы Р.Нұрланов балалар әдебиетінің бәйтерегі Бердібек Соқпақбаевтың өмірбаяны, әр жылдары жарық көрген шығармалары таныстырылып, оқырмандарға автордың «Менің атым Қожа», «Өлгендер қайтып келмейді», «Балалық шаққа саяхат» атты шығармаларын Брайль, жайпақ және аудио нұсқа түрінде жазылған кітаптарды алып оқи алатыны жайлы ақпарат берілді.
Толығырақ... Оқылды: 146 Санат: Жаңалықтар Уақыты: 13.06.2024

«Jetisu Book Fair» кітап жәрмеңкесі бүгінде жалғасын тапты.

Талдықорған қаласы орталық арбат аланыңда «Jetisu Book Fair» кітап жәрмеңкесі бүгінде жалғасын тапты. Кітап жәрмеңкесі «Жақұт мекен Жетісу» тақырыбындағы кітап көрмесінің таныстырумен басталып, «Поэзиялық батл» көрермендер арасында өлең оқу жарысымен жалғасты. Сондай-ақ «Мақалды тап» көрсетілген суреттерге қарап мақал құрастыру және «Сан сұраққа саяхат» викториналық ойындары ойнатылып, «Қолтаңба TIME» кітап авторлары оқырмандарға қолтаңба қойылған кітаптарын сыйлады. Шарада Мұқағали Мақатаев атындағы поэтикалық жас актерлері театры көрермендерге «Бақыт деген не өзі?» атты поэзиялық-музыкалық шеруін ұсынды. Айта кетсек, 2 күнге жалғасқан кітап жәрмеңкесінде «Атамұра», «Marfu press», «Мазмұндама» баспалары, «Ziyat», «Асыл қазына» дүкендері, жеке кәсіпкерлер және кітап авторларының 200-ден астам кітаптары сатылды.
Толығырақ... Оқылды: 107 Санат: Жаңалықтар Уақыты: 12.06.2024
Создано на платформе Alison CMS © 2011-2026.
Дизайн и разработка сайта от компании «Licon».
Яндекс.Метрика