Жаңалықтар

Білім күніне орай ашық есік күні өтті

1 қыркүйек – Білім күніне орай Жетісу облысының С.Сейфуллин атындағы орталық кітапханасында «Білімнің бастауы – кітап, ордасы – кітапхана» атты Ашық есік күні ұйымдастырылды. Шараның негізгі мақсаты – жас ұрпақ арасында кітап оқуға деген қызығушылықты арттыру, кітапхана қызметін кеңінен таныстыру және білім мен рухани дамудың маңызды орталығы ретінде кітапхананың мүмкіндіктерін насихаттау. Ашық есік күніне Талдықорған қаласындағы мектеп оқушылары мен колледждердің 1-курс студенттері қатысты. Келушілер назарына мотивациялық және психологиялық бағыттағы әдебиеттерден, сондай-ақ балалар әдебиетінен арнайы кітап көрмелері ұсынылды. Көрме барысында оқырмандарға кітаптардың мазмұны таныстырылып, оқуына ұсыныстар берілді. Сонымен қатар, шараға қатысушылар үшін кітапхана бойынша экскурсия ұйымдастырылып, кітап қоры, оқу залдары және кітапхананың заманауи мүмкіндіктері таныстырылды. Қонақтар кітапхана жұмысымен жақынырақ танысып, өздерін қызықтырған...
Толығырақ... Оқылды: 12 Санат: Жаңалықтар Уақыты: 01.09.2026

«Абай ілімі-рухани қазына» атты облыстық Абай оқулары байқауы

25 тамыз күні қазақ халқының ұлы ақыны, кемеңгер ойшыл, ағартушы ұлттық руханиятымыздың биік тұлғасы Абай Құнанбайұлының мол мұрасын дәріптеп, оның тағылымды шығармаларын жас ұрпаққа насихаттау мақсатында «Абай ілімі-рухани қазына» атты облыстық Абай оқулары байқауы өтті. Абай шығармашылығы терең ойлы қара сөздері мен көркем өрнекті өлеңдері жас ұрпақтың бойына ұлттық құндылықтарды сіңіріп, туған елін, ана тілін, әдебиеті мен мәдениетін құрметтеуге тәрбиелейді. Аталған байқауға 13-15 жас аралығындағы мектеп оқушыларынан барлығы 12 үміткер қатысып, үш кезең бойынша өзара бақ сынасты. Байқау барысында қатысушылардың Абай мұрасын қаншалықты меңгергені, шығармаларды жатқа білуі, мазмұнын терең түсінуі, көркем әрі мәнерлеп оқу шеберлігі, тіл мәдениеті мен ой ұшқырлығы сараланды. Байқауға қазылық еткендер қатарында философия ғылымдарының докторы, абайтанушы, Досым Қайырбекұлы Омаров, «Білім» гуманитарлы- техникалық колледжінің қазақ тілі және әдебиеті пәні...
Толығырақ... Оқылды: 26 Санат: Жаңалықтар Уақыты: 25.08.2026

Жетісу облысы Сәкен Сейфуллин атындағы орталық кітапханасының зағип және нашар көретін азаматтарға арналған бөлімінде «Әдеп пен мәдениет» атты тренинг сабақ өтті.

Әдеп пен мәдениет – адамның қоғамдағы мінез-құлқы мен рухани құндылықтарын сипаттайтын, бір-бірімен тығыз байланысты ұғымдар. Шара барысында қатысушыларға ішкі және сыртқы мәдениет нормаларын сақтаудың, үлкенді құрметтеп, кішіге қамқор болудың, сыпайылық пен ізеттілік танытудың маңызы түсіндірілді. Сонымен қатар тренингте мемлекеттік қызметшілердің әдептілік нормалары, Әдеп кодексіндегі мінез-құлықтың жалпы стандарттары мен іскерлік талаптары кеңінен сөз болды. Қатысушылар күнделікті өмірде әдептілік қағидаларын сақтап, ұлттық және жалпыадамзаттық мәдени құндылықтарды құрметтеу төңірегінде ой бөлісті.
Толығырақ... Оқылды: 28 Санат: Жаңалықтар Уақыты: 25.08.2026

«Адалдық пен әділет – қоғам тірегі» атты кітап көрмесі өтті

Сыбайлас жемқорлық заңға ғана емес, адамгершілікке де қайшы. Онымен күресу – әрбір азаматтың ортақ міндеті. Осыған орай, кітапханамыздың оқырмандары үшін «Адалдық пен әділет – қоғам тірегі» атты кітап көрмесі ұйымдастырылды. Көрмеге кітапхана қорынан сыбайлас жемқорлыққа қарсы күрес, заңнама, құқықтық сауаттылық, адалдық пен әділет тақырыптарына арналған кітаптар және мерзімді басылымдар қорынан сыбайлас жемқорлық тақырыбына арналған газет-журналдар ұсынылып, оқырмандар назарына таныстырылды. Шараға Б.Римова атындағы академиялық драма театры, М.Тынышбаев атындағы музей және Д.Рақышев атындағы филармония қызметкерлері мен С.Сейфуллин атындағы орталық кітапханасының кітапханашылары қатысты.
Толығырақ... Оқылды: 30 Санат: Жаңалықтар Уақыты: 11.08.2026

Абай күніне орай Ашық есік күні өтті

10 тамыз – қазақтың ұлы ақыны, ойшыл, ағартушы Абай Құнанбайұлының туған күніне орай Жетісу облысының С.Сейфуллин атындағы орталық кітапханасында Ашық есік күні ұйымдастырылып, мазмұнды түрде өтті. Ашық есік күнінің басты мақсаты – кітапхананың мүмкіндіктерін кеңінен таныстыру, тұрғындардың кітапханаға деген қызығушылығын арттыру, кітап оқу мәдениетін насихаттау және оқырмандарды сапалы әдебиетпен байланыстыру болды. Осы күні кітапхана оқырмандар үшін 09:00-ден 00:00-ге дейін жұмыс істеп, іс-шара барысында кітапхананың оқу залдары мен бөлімдерінде түрлі мазмұнды кітап көрмелері ұйымдастырылды. Абай Құнанбайұлының өмірі мен шығармашылығына арналған негізгі кітап көрмесінде ақынның шығармалары, өлеңдері мен қара сөздері, Абай мұрасы туралы зерттеулер мен әдеби еңбектер оқырман назарына ұсынылды. Көрме 6 бөлімнен тұрды. Атап айтқанда, «Абайдың әдеби мұрасы», «Абайдың саз мұрасы», «Абайдың ақындық мектебі», «Абайтану әлемі&raqu...
Толығырақ... Оқылды: 30 Санат: Жаңалықтар Уақыты: 11.08.2026
Создано на платформе Alison CMS © 2011-2026.
Дизайн и разработка сайта от компании «Licon».
Яндекс.Метрика