Кешті ҚР Жазушылар одағы Жетісу облыстық филиалының төрағасы Жангелді Немеребай жүргізді. Шара барысында ақынның шығармашылығы мен өмір жолынан сыр шертетін бейнеролик көрсетіліп, жырсүйер қауым әсерлі кештің куәсі болды. Кездесу кешіне өңірдің зиялы қауым өкілдері мен ақын-жазушылары қатысып, ақынға жүрекжарды лебіздерін білдірді. Атап айтқанда, Қазақстанның құрметті жазушысы Нүсіпбай Әбдірахым, халықаралық «Алаш» әдеби сыйлығының иегері Нұрила Бектемірова, ақын Талапбек Азамбай сөз сөйлеп, Толқын Қабылшаның шығармашылығына жоғары бағаларын берді. Сонымен қатар, ақындар Гүлбақыт Қасен, Сағыныш Намазшамова, Азамат Нұрмұхан, Салтанат Құмархан, Зирагүл Нұрданбек, Санжар Сұлтанғазы сынды бірқатар ақындар жырдан шашу шашып, әуезді ән әуеледі. Кеш иесі Толқын Қабылша өз өлеңдерін оқып, оқырмандарымен еркін форматта сұхбат құрды. Жыр мен ән үндескен рухани шара көрерменге ерекше әсер сыйлады.
|