Жетісу облысының С.Сейфуллин атындағы орталық кітапханасы

Жаңалықтар

Қазақстанның халық жазушысы, көрнекті ғалым, әдебиеттанушы Мұхтар Мағауиннің 85 жылдығына орай «Адамның атын еңбегі шығарады» атты ақпараттық дайджест

Зағип және нашар көретін азаматтарға арналған бөлімде Қазақстанның халық жазушысы, көрнекті ғалым, әдебиеттанушы Мұхтар Мағауиннің 85 жылдығына орай «Адамның атын еңбегі шығарады» атты ақпараттық дайджест өтті. Іс-шара барысында кітапханашы Нұрланов Рауан қаламгердің өмірі мен шығармашылығы жайлы мазмұнды ақпарат беріп, жазушының әдеби мұрасын қамтитын кітап көрмесімен таныстырды. Көрмеде Мұхтар Мағауиннің қазақ әдебиеті мен тарихына қосқан зор үлесін көрсететін шығармалары қойылды. Сонымен қатар, кітапхананың тұрақты оқырманы, ақын, жазушы Гүлнара Тұрсынбайқызы сөз сөйлеп, Мұхтар Мағауиннің шығармашылығының қазақ руханиятындағы маңыздылығына тоқталды. Ол жазушының ұлт тарихын зерттеудегі рөлін, оның қазақ әдебиетіне әкелген жаңашылдығын ерекше атап өтіп, қаламгердің еңбектерінің келешек ұрпақ үшін баға жетпес құндылық екенін жеткізді. Бұл кездесу Мұхтар Мағауин мұрасының мәңгілік екендігін тағы бір дәлелдеп, оқырмандарға рухани азық болды.

Толығырақ... Оқылды: 41 Санат: Жаңалықтар Уақыты: 11.02.2025

15 ақпан – Ауған жерінен кеңес әскерлерінің шығарылған күніне 36 жыл толуына орай «Ер есімі – ел есінде» атты апталық кітап көрмесі бастау алды

10 ақпан күні Сәкен Сейфуллин атындағы орталық кітапханасында 15 ақпан – Ауған жерінен кеңес әскерлерінің шығарылған күніне 36 жыл толуына орай «Ер есімі – ел есінде» атты кітап көрмесі ұйымдастырылды. Ауған соғысы - 1979 - 1989 жылдар арасында созылған КСРО Қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс.1989 жылы 15 ақпанда Ауғанстан өкіметінен соңғы Кеңес әскері шығарылды.Он жылға созылған Ауған соғысында 620 мыңға жуық Кеңес әскерлері қатысты, оның ішінде Қазақстаннан Ауған соғысына 22269 жауынгер қатысты. 15 ақпан - Ауғанстан ардагерлерінің мерекесі, қаза болған жауынгер-интернационалистерді еске алу күні. Қазақ әскерлері батылдықпен күресіп, соғыста ержүректілік танытты. Батылдық көрсеткені үшін 86 сарбазға Кеңес Одағының Батыры атағы берілді. Қазақстанның көптеген қалаларында Ауған соғысында қаза болғандарға арнап мемориалдық кешендер орнатылды. Оқырмандарға «Ер есімі – ел есінде»...

Толығырақ... Оқылды: 47 Санат: Жаңалықтар Уақыты: 11.02.2025

«Бір ел – бір кітап» акциясы аясында жылжымалы кітап көрмесі өтті

Сәкен Сейфуллин атындағы орталық кітапханасының ұйымдастыруымен 7 ақпан күні «Бір ел – бір кітап» акциясы аясында жылжымалы кітап көрмесі «Халық Банк» мекемесінде өтті. Қазақстанда «Бір ел – бір кітап» республикалық акциясы 2007 жылдан бастап, ҚР Мәдениет және ақпарат министрлігінің қолдауымен Қазақстан Республикасының Ұлттық академиялық кітапханасы мен Қазақстан Республикасының кітапханалық қауымдастығының ұйымдастыруымен жылма-жыл өткізіліп келе жатқан танымалдыққа ие жоба. Республикалық акцияның мақсаты – қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге мүмкіндік туғызу, өскелең ұрпақтың зияткерлік-рухани дамуы мен ана тіліне деген құрметін көтеру. 2025 жылы ел болып оқитын кітап ретінде проза жанрындағы ұлтымыздың көрнекті жазушысы, ақын, сыншы, аудармашы, суреткер Тәкен Әлімқұловтың шығармалары мен поэзия жанры бойынша мемлекеттік сыйлықтың иегері, көрнект...

Толығырақ... Оқылды: 49 Санат: Жаңалықтар Уақыты: 07.02.2025

Ілияс Есенберлиннің 110 жылдық мерейтойына орай «Халық қаһарманы – халық жазушысы» атты кітап көрмесі

Зағип және нашар көретін азаматтарға арналған бөлімде қазақ әдебиетінің көрнекті өкілі, әйгілі жазушы Ілияс Есенберлиннің 110 жылдық мерейтойына орай «Халық қаһарманы – халық жазушысы» атты кітап көрмесі ұйымдастырылды. Көрмеге жазушының шығармалары, оның өмірі мен шығармашылығына арналған материалдар қойылып, оқырмандарға кеңінен таныстырылды. Шара барысында кітапханашы Нұрланов Рауан қатысушыларға Ілияс Есенберлиннің қазақ әдебиетіне қосқан үлесі мен оның тарихи романдарының мән-маңызы туралы айтып өтті. Сонымен қатар, ол зағип және нашар көретін оқырмандар үшін арнайы Sara-se сканерлеп және дауыстап оқитын машинкасының көмегімен жазушының шығармаларын тыңдау мүмкіндігі бар екенін түсіндірді. Оқырмандарға бұл құрылғыны қолдану тәртібі көрсетіліп, әдеби мұраны қолжетімді форматта игерудің маңыздылығы атап өтілді.

Толығырақ... Оқылды: 55 Санат: Жаңалықтар Уақыты: 04.02.2025

«Бауыржан Момышұлы – батыр тұлға» облыстық байқаудың шарттары

«Бауыржан Момышұлы – батыр тұлға» облыстық байқаудың шарттары Байқауға қатысатындар туралы өтінім 2025 жылдың сәуір айының 20 на дейін okuzaly.19@mail.ru электронды поштасына қабылданады. Байқау Сейфуллин атындағы Жетісу облысының орталық кітапханасында 2025 жылдың мамыр айында өтетін болады. Байқауға 13-14 жас аралығындағы қатысушылар қатыса алады. Әдебиеттер тізімі: 1. «Ұшқан ұя» 2. «Мәскеу үшін шайқас» 3. «Курлияндия майданы» 4. «Музей апа» I кезең «Томаға киген тау бүркіт» бағыты бойынша қатысушылар Б. Момышұлының өлеңдерін жатқа оқиды. (әдебиеттер тізімі төменде көрсетілген). II кезең Оқылған шығармалардан қысқа көрініс қою. Көрініс 3 минуттан аспауы тиіс. III кезең «Дұрыс жауап» кезеңінде қатысушыларға жазушы Б.Момышұлының өмірі жайлы сұрақтар қойылады (әр қатысушыға 5 сұрақтан қойылады). IV кезең «Батырым – Бауыржан» кезеңінде қа...

Толығырақ... Оқылды: 40 Санат: Афиша Уақыты: 03.02.2025

<< 1 … 8 9 10 11 12 13 14 15 16 17 18 … 63 >>