Қазақстан Республикасының Тәуелсіздігі күніне орай Жетісу облысының Сәкен Сейфуллин атындағы орталық кітапханасының зағип және нашар көретін азаматтарға арналған бөлімінде «Тәуелсіздік – еркіндігім, қастерлім» атты кітап көрмесі ұйымдастырылды.
Кітап көрмесіне Қазақстан Республикасының тәуелсіздік тарихына арналған кітаптар, деректі еңбектер, мемлекет және қоғам қайраткерлері туралы басылымдар, сондай-ақ Тәуелсіз Қазақстанның даму кезеңдері мен жетістіктерін қамтитын әдебиеттер қойылды.
Іс-шара барысында кітапханашы Алуа Сағынбай кітап көрмесін таныстырып, ұсынылған әдебиеттерге шолу жасады. Сонымен қатар, Қазақ зағиптар қоғамы қоғамдық бірлестігінің директоры Гульнар Тұрсынбайқызы сөз сөйлеп, Тәуелсіздіктің маңызы мен оның қоғам өміріндегі рөлі туралы өз ойымен бөлісті.
Аталған кітап көрмесі зағип және нашар көретін оқырмандардың кітапқа деген қызығушылығын арттырып, тәуелсіздік құндылықтарын терең түсінуге ықпал етті.
|