4 қыркүйек күні Жетісу облысы Сәкен Сейфуллин атындағы орталық кітапхананың зағип және нашар көретін азаматтарға арналған бөлімінің ұйымдастыруымен Қазақ соқырлар қоғамы қоғамдық бірлестігінің клубында Қазақстан халқының тілдері күніне орай «Тіл – ең қымбат қазына» атты танымдық сағат өтті.
Шараны кітапханашы Нұрланов Рауан жүргізді. Танымдық сағат барысында тілдің – халықтың жаны, ұлттың айнасы, ең қымбат қазына екендігі жөнінде мәлімет беріліп, қазақ тілінің қоғамдағы орны мен маңызы туралы ой қозғалды.
Сонымен бірге арнайы дайындалған кітап көрмесі таныстырылып, оқырмандарға ұсынылды. Оқырмандар мемлекеттік тілге қатысты сұрақтарға жауап беріп, «Мақал-мәтелді жалғастыр» атты танымдық ойынға қатысып, белсенділік танытты.
Іс-шара соңында тіл – ата-бабадан қалған асыл мұра екендігі, оны қастерлеу мен қорғау – әрбір азаматтың қасиетті борышы екендігі ерекше атап өтілді.
|